Portugaliyalik hujumchi Krishtianu Ronalduning sevgilisi, mashhur model Jorjina Rodriges “Oltin to‘p”ning besh karra sohibi bilan ilk uchrashuvdan so‘ng o‘z taassurotlari bilan o‘rtoqlashdi.

"Krishtianu va men bir ko‘rishda sevishib qoldik. Men uni birinchi marta ko‘rganimda, menga vaqt to‘xtagandek tuyuldi. Men hech qachon bunday chiroyli va ehtiyotkor odamni ko‘rmaganman. Bu men ko‘rgan eng chiroyli odam.

Ha, men dunyodagi eng yaxshi futbolchining ayoliman, lekin odamlar bu haqda mensimay gapirishiga hojat yo‘q. Ehtimol, bizning munosabatlarimiz ko‘plab orzularim ro‘yobga chiqishiga imkon bergan bo‘lsa kerak, lekin farrosh, sotuvchi yoki model bo‘lishimdan qat’iy nazar, men har doim qilgan ishimga bir xil ishtiyoq bilan yondashganman" - dedi Rodriges Elle nashriga bergan intervyusida.

Avvalroq, Ronaldu "Manchester Yunayted" bilan kelishuvni bekor qilganidan keyin erkin agentga aylangandi. 37 yoshli portugaliyalik joriy mavsumda “qizil iblislar” safida 16 o‘yinda 3 ta gol urdi va 2 ta golli uzatmani amalga oshirdi.