Португалиялик ҳужумчи Криштиану Роналдунинг севгилиси, машҳур модель Жоржина Родригес “Олтин тўп”нинг беш карра соҳиби билан илк учрашувдан сўнг ўз таассуротлари билан ўртоқлашди.

"Криштиану ва мен бир кўришда севишиб қолдик. Мен уни биринчи марта кўрганимда, менга вақт тўхтагандек туюлди. Мен ҳеч қачон бундай чиройли ва эҳтиёткор одамни кўрмаганман. Бу мен кўрган энг чиройли одам.

Ҳа, мен дунёдаги энг яхши футболчининг аёлиман, лекин одамлар бу ҳақда менсимай гапиришига ҳожат йўқ. Эҳтимол, бизнинг муносабатларимиз кўплаб орзуларим рўёбга чиқишига имкон берган бўлса керак, лекин фаррош, сотувчи ёки модел бўлишимдан қатъий назар, мен ҳар доим қилган ишимга бир хил иштиёқ билан ёндашганман" - деди Родригес Elle нашрига берган интервьюсида.

Аввалроқ, Роналду "Манчестер Юнайтед" билан келишувни бекор қилганидан кейин эркин агентга айланганди. 37 ёшли португалиялик жорий мавсумда “қизил иблислар” сафида 16 ўйинда 3 та гол урди ва 2 та голли узатмани амалга оширди.