"Barselona" yaqin yillarda o‘z tarkibini kuchaytirishni rejalashtirmoqda. Bu haqda klub prezidenti Joan Laporta jurnalistlar bilan suhbatda aytib o‘tdi.
"Biz chempionlik uchun kurashamiz. Asosiy maqsadimiz Ispaniya chempionligini qo‘lga kiritish. Hozir bizda yosh va tajribali futbolchilar yig‘ilgan yaxshi jamoa bor. O‘ylaymanki, ikki yildan keyin biz yanada kuchliroq bo‘lamiz va raqobatbardosh tarkibga ega bo‘lamiz. Biz La Ligada eng zo‘r bo‘lishni rejalashtirmoqdamiz", - dedi Laporta.
Ispaniya chempionatining 14-turidan keyin “Barselona” turnir jadvalida peshqadamlik qilmoqda. Xavi Ernandes shogirdlari eng yaqin ta’qibchisidan ikki ochkoga oldinda.
