"Барселона" яқин йилларда ўз таркибини кучайтиришни режалаштирмоқда. Бу ҳақда клуб президенти Жоан Лапорта журналистлар билан суҳбатда айтиб ўтди.
"Биз чемпионлик учун курашамиз. Асосий мақсадимиз Испания чемпионлигини қўлга киритиш. Ҳозир бизда ёш ва тажрибали футболчилар йиғилган яхши жамоа бор. Ўйлайманки, икки йилдан кейин биз янада кучлироқ бўламиз ва рақобатбардош таркибга эга бўламиз. Биз Ла Лигада энг зўр бўлишни режалаштирмоқдамиз", - деди Лапорта.
Испания чемпионатининг 14-туридан кейин “Барселона” турнир жадвалида пешқадамлик қилмоқда. Хави Эрнандес шогирдлари энг яқин таъқибчисидан икки очкога олдинда.
