"Manchester Yunayted"ning sobiq futbolchisi Pol Parker "Chelsi"ni tanqid qildi.
"O‘ylashimcha, hozirgi "Chelsi"ga ortiqcha baho berilgan. Ularga nima uchun Kulibali kerak bo‘lganini tushunmayapman. U shunchaki "taxta". Ularda yaxshi darvozabon ham, sifatli markaz hujumchisi ham yo‘q. Kante o‘zining cho‘qqisini zabt etib bo‘ldi, Jorginyo ham hech narsa ko‘rsatmayapti. "Chelsi" bu mavsumda qanday qilib kuchli to‘rtlikka kirishini tushunmayapman", - dedi Parker Bemybet bilan suhbatda.
O‘tkazilgan 15 turdan so‘ng Grem Potter shogirdlari 21 ochko to‘plashdi va Angliya Premyer-ligasi turnir jadvalida sakkizinchi o‘rinni egallab turishibdi.
