"Манчестер Юнайтед"нинг собиқ футболчиси Поль Паркер "Челси"ни танқид қилди.
"Ўйлашимча, ҳозирги "Челси"га ортиқча баҳо берилган. Уларга нима учун Кулибали керак бўлганини тушунмаяпман. У шунчаки "тахта". Уларда яхши дарвозабон ҳам, сифатли марказ ҳужумчиси ҳам йўқ. Канте ўзининг чўққисини забт этиб бўлди, Жоргиньо ҳам ҳеч нарса кўрсатмаяпти. "Челси" бу мавсумда қандай қилиб кучли тўртликка киришини тушунмаяпман", - деди Паркер Bemybet билан суҳбатда.
Ўтказилган 15 турдан сўнг Грэм Поттер шогирдлари 21 очко тўплашди ва Англия Премьер-лигаси турнир жадвалида саккизинчи ўринни эгаллаб туришибди.
