Angliyalik sobiq himoyachi Rio Ferdinand xorvatiyalik Yoshko Gvardiolning JCH-2022dagi o‘yini haqida fikr bildirdi.
"Yoshko jahon chempionatidagi eng sevimli himoyachim. U hali juda yosh, endigina 20 yoshda, lekin u yetuk futbol ko‘rsatdi, to‘p bilan mukammal ishladi. Argentina bilan o‘yinda uni bir necha bor Messi itarib yubordi. Ammo kimga qarshi o‘ynaganini o‘ylab ko‘rish kerak.
O‘ylashimcha, Gvardiol jahon chempionatidagi o‘yini bilan ajralib turdi. U o‘z pozisiyasida dunyoning eng yaxshilaridan biriga aylanish uchun hamma narsaga ega", — dedi Rio Ferdinand.
Eslatib o‘tamiz, Xorvatiya terma jamoasi jahon chempionatida bronza medallarini qo‘lga kiritdi.
