Myunxenning “Bavariya” klubi “Lids” darvozaboni Ilan Melyeni sotib olmoqchi.
Nemis grandi mavsum oxirigacha oyog‘i singan Manuel Noyerga o‘rinbosar qidirmoqda. "Lids" darvozaboni Ilan Melye "Bavariya"ning qiziqishlari ro‘yxatida, deb xabar beradi Media Foot.
22 yoshli fransiyalik darvozabon so‘nggi mavsumlarda “tovuslar”dagi o‘yinlari bilan grandlar e’tiborini tortdi va myunxenliklar uning agenti bilan bog‘lanishga ulgurdi.
Ilan Melye joriy mavsumda Premyer-liganing 14 o‘yinida 26 gol o‘tkazib yubordi. Transfermarkt darvozabonni 22 million yevroga baholamoqda.













