Мюнхеннинг “Бавария” клуби “Лидс” дарвозабони Илан Мельени сотиб олмоқчи.
Немис гранди мавсум охиригача оёғи синган Мануэл Нойерга ўринбосар қидирмоқда. "Лидс" дарвозабони Илан Мелье "Бавария"нинг қизиқишлари рўйхатида, деб хабар беради Media Foot.
22 ёшли франциялик дарвозабон сўнгги мавсумларда “товуслар”даги ўйинлари билан грандлар эътиборини тортди ва мюнхенликлар унинг агенти билан боғланишга улгурди.
Илан Мелье жорий мавсумда Премьер-лиганинг 14 ўйинида 26 гол ўтказиб юборди. Transfermarkt дарвозабонни 22 миллион еврога баҳоламоқда.