Braziliyalik Mateus Kunya "Atletiko"ni tark etib, APL turnir jadvalida oxirgi o‘rinda borayotgan "Vulverxempton"ga o‘tadigan bo‘ldi. Kunya Madrid klubini argentinalik murabbiy Diyego Simeone bilan kelishmovchilik tufayli tark etganini aniq aytdi.
Kunya Simeone jamoa bilan anchadan beri ishlagani va u bilan juda yaxshi natijalarga erishganidan foydalanib, jamoada diktatorlik rejimini o‘rnatganiga sha’ma qildi.
"Afsuski, futbolda boshqa sohada bo‘lgani kabi kimdir buyruq beradi, kimdir iyerarxiyaga rioya qilishni talab qiladi, qaror qabul qiladi. Lekin yakunda men ham o‘z qarorimni qabul qildim", - deb yozdi futbolchi ijtimoiy tarmoqda.
