Бразилиялик Матеус Кунья "Атлетико"ни тарк этиб, АПЛ турнир жадвалида охирги ўринда бораётган "Вулверхэмптон"га ўтадиган бўлди. Кунья Мадрид клубини аргентиналик мураббий Диего Симеоне билан келишмовчилик туфайли тарк этганини аниқ айтди.
Кунья Симеоне жамоа билан анчадан бери ишлагани ва у билан жуда яхши натижаларга эришганидан фойдаланиб, жамоада диктаторлик режимини ўрнатганига шаъма қилди.
"Афсуски, футболда бошқа соҳада бўлгани каби кимдир буйруқ беради, кимдир иерархияга риоя қилишни талаб қилади, қарор қабул қилади. Лекин якунда мен ҳам ўз қароримни қабул қилдим", - деб ёзди футболчи ижтимоий тармоқда.
