"Tottenxem" bosh murabbiyi Antonio Konte jamoasi Qatardagi jahon chempionati yakunlanganidan keyin klublar ishtirokidagi o‘yinlar erta boshlanishidan norozi.
"Bu g‘alati holat va Jahon chempionatidan bir hafta o‘tgach, bu qadar tez o‘ynaganimizdan xursand emasman.
"Bir tomondan, biz baxtlimiz, chunki bizning klubdan jahon chempionatida 12 nafar futbolchi bilan ishtirok etdi. Bu degani, biz raqobatbardosh bo‘lish va kelajakda nimadir yutish uchun harakat qilishimiz uchun to‘g‘ri yo‘ldamiz.
Ammo ko‘plab o‘yinchilar bunday turnirda o‘ynasa, ayniqsa mavsum o‘rtalarida ularning jismoniy holati eng yuqori daraja bo‘lmaydi.
Ularga ko‘p dam bera olmaysiz, ammo jahon chempionatiga bormagan va bu yerda to‘rt haftadan beri ishlab kelayotgan futbolchilarning jismoniy holati a’lo darajada.
Biz taktik va jismoniy jihat ustida ishladik. Hozir ular jahon chempionatida o‘ynagan o‘yinchilardan bir daraja yuqoriroq.
Shunday ekan, "Brentford"ga qarshi o‘yinda qaror qabul qilishim kerak. Bir tomondan menda to‘rt hafta davomida juda yaxshi ishlagan futbolchilarim bor, boshqa tomondan esa jahon chempionatida o‘ynagan va hozirda o‘zining eng yaxshi formasida bo‘lmagan futbolchilar bor", - dedi Konte Daily Mail bilan suhbatda.