Кириш Регистрация
07/10 00:00 Реал Сосьедад 1-1 Атлетико

Конте: "Жаҳон чемпионатидан бир ҳафта ўтгач, бу қадар тез ўйнаганимиздан хурсанд эмасман"

Баҳо:
+ | -

"Тоттенхэм" бош мураббийи Антонио Конте жамоаси Қатардаги жаҳон чемпионати якунланганидан кейин клублар иштирокидаги ўйинлар эрта бошланишидан норози.

"Бу ғалати ҳолат ва Жаҳон чемпионатидан бир ҳафта ўтгач, бу қадар тез ўйнаганимиздан хурсанд эмасман.

"Бир томондан, биз бахтлимиз, чунки бизнинг клубдан жаҳон чемпионатида 12 нафар футболчи билан иштирок этди. Бу дегани, биз рақобатбардош бўлиш ва келажакда нимадир ютиш учун ҳаракат қилишимиз учун тўғри йўлдамиз.

Аммо кўплаб ўйинчилар бундай турнирда ўйнаса, айниқса мавсум ўрталарида уларнинг жисмоний ҳолати энг юқори даража бўлмайди.

Уларга кўп дам бера олмайсиз, аммо жаҳон чемпионатига бормаган ва бу ерда тўрт ҳафтадан бери ишлаб келаётган футболчиларнинг жисмоний ҳолати аъло даражада.

Биз тактик ва жисмоний жиҳат устида ишладик. Ҳозир улар жаҳон чемпионатида ўйнаган ўйинчилардан бир даража юқорироқ.

Шундай экан, "Брентфорд"га қарши ўйинда қарор қабул қилишим керак. Бир томондан менда тўрт ҳафта давомида жуда яхши ишлаган футболчиларим бор, бошқа томондан эса жаҳон чемпионатида ўйнаган ва ҳозирда ўзининг энг яхши формасида бўлмаган футболчилар бор", - деди Конте Daily Mail билан суҳбатда.

Киритилди: 12:15, 26.12.2022.
Ўқилди: 713 марта.
Фикрлар: 0 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.