"Arsenal" "Shaxtyor" futbolchisini transfer qilish taklifi bilan chiqdi.
Fabrisio Romanoning so‘zlariga ko‘ra, London klubi Mixail Mudrik uchun 60 mln yevro taklif qilgan. Mablag‘ning katta qismi - 40 million yevro - "kanonirlar" darhol to‘lamoqchi, yana 20 million - bonuslar.
Biroq, ukrainaliklarni bunday shartlar qoniqtirmaydi - ular ko‘proq pul olishni xohlashadi. Futbolchining o‘zi ham Premyer-ligaga yo‘l olmoqchi. Tez orada Mudrikning agenti bilan ehtimoliy kelishuv muhokama qilinadi.
UPLning joriy mavsumida 21 yoshli vinger 12 ta o‘yinda maydonga tushib, 7 ta gol urdi va 7 ta golli uzatmani amalga oshirdi.