"Арсенал" "Шахтёр" футболчисини трансфер қилиш таклифи билан чиқди.
Фабрицио Романонинг сўзларига кўра, Лондон клуби Михаил Мудрик учун 60 млн евро таклиф қилган. Маблағнинг катта қисми - 40 миллион евро - "канонирлар" дарҳол тўламоқчи, яна 20 миллион - бонуслар.
Бироқ, украиналикларни бундай шартлар қониқтирмайди - улар кўпроқ пул олишни хоҳлашади. Футболчининг ўзи ҳам Премьер-лигага йўл олмоқчи. Тез орада Мудрикнинг агенти билан эҳтимолий келишув муҳокама қилинади.
УПЛнинг жорий мавсумида 21 ёшли вингер 12 та ўйинда майдонга тушиб, 7 та гол урди ва 7 та голли узатмани амалга оширди.