Madridning “Real” klubi Dortmundning “Borussiya” klubi yarim himoyachisi Jud Bellingemning transferi bo‘yicha muzokaralarni yakunlamoqda.

Madrid Xtra nashrining COPE nashriga tayanib xabar berishicha, ispanlar so‘rovning formati bo‘yicha qaror qabul qilib bo‘lishgan – unda bonuslar bilan birga jami 130 million yevro ko‘zda tutilgan.

Relevo nashrining qo‘shimcha qilishicha, 19 yoshli angliyalik futbolchining o‘zi "Real Madrid"ni faoliyatini davom ettirish uchun ustuvor variant deb biladi.

Marca xabariga ko‘ra, Madrid Bellingemning transferi jarayonini allaqachon tezlashtirgan. Tomonlar o‘tish bo‘yicha kutilganidan erta kelishib olishlari mumkin.

Joriy mavsumda Jud 32 ta o‘yinda 10 ta gol va 5 ta golli uzatmani amalga oshirdi.