Angliyada milliy chempionat o‘yinlari davom ettirildi, o‘n sakkizinchi turda «Vest Xem» yana mag‘lub bo‘ldi, bu safar o‘z uyida «Brentford»ga. Devid Moyes shogirdlari Angliya chempionatida qatorasiga beshinchi mag‘lubiyatini qabul qilib oldi.
Jamoa xorvatiyalik mutaxassis Slaven Bilich qo‘l ostida bo‘lganidan beri (2017 yilning bahori) bunday yomon seriya kuzatilmagandi.
Moyesning o‘zi esa 2005 yildan buyon ketma-ket beshta o‘yinda mag‘lub bo‘lmagan, u o‘shanda «Everton» bilan qatorasiga 6 ta mag‘lubiyat alamini totib ko‘rgan edi.
Keyingi turda «Vest Xem» «Lids» bilan mehmonda o‘ynaydi, bu to‘rtinchi yanvarda bo‘lib o‘tadi.
