Англияда миллий чемпионат ўйинлари давом эттирилди, ўн саккизинчи турда «Вест Хэм» яна мағлуб бўлди, бу сафар ўз уйида «Брентфорд»га. Дэвид Мойес шогирдлари Англия чемпионатида қаторасига бешинчи мағлубиятини қабул қилиб олди.
Жамоа хорватиялик мутахассис Славен Билич қўл остида бўлганидан бери (2017 йилнинг баҳори) бундай ёмон серия кузатилмаганди.
Мойеснинг ўзи эса 2005 йилдан буён кетма-кет бешта ўйинда мағлуб бўлмаган, у ўшанда «Эвертон» билан қаторасига 6 та мағлубият аламини тотиб кўрган эди.
Кейинги турда «Вест Хэм» «Лидс» билан меҳмонда ўйнайди, бу тўртинчи январда бўлиб ўтади.
