"Manchester Yunayted" bosh murabbiyi Erik ten Xag jamoasiga yangi hujumchi kerakligini aytdi. Niderlandiyalik mutaxassisning so‘zlariga ko‘ra, jahon chempionatidan so‘ng tig‘iz taqvim tufayli hujumchiga ehtiyoj ortib bormoqda.
"Bizda hali ko‘p o‘yinlar bor, shuning uchun biz yangi hujumchi olishni xohlaymiz. Biz hujum chizig‘imizni kuchaytira oladigan futbolchi xarid qilmoqchimiz" - dedi Ten Xag matbuot anjumanida.
Eslatib o‘tamiz, "Manchester Yunayted" Angliya Premyer-ligasi qayta tiklanganidan so‘ng ketma-ket ikkita g‘alabaga erishib, turnir jadvalida to‘rtinchi o‘ringa ko‘tarilib oldi.
