"Chelsi" markaziy himoyachisi Kalidu Kulibali APLning navbatdagi turida jamoasi "Manchester Siti"ni qabul qiladigan markaziy o‘yindan oldingi fikrlari bilan o‘rtoqlashdi.
“Kuchli to‘rtlikka kirish “Chelsi” uchun katta qiyinchilik, biroq biz buni qabul qilishga tayyormiz. Biz o‘zimizga ishonishimiz va taraqqiyot uchun ko‘p mehnat qilishimiz kerak.
“Manchester Siti”ga qarshi o‘yinga qo‘ldan kelgancha tayyorlanamiz. Bu juda qiyin o‘yin bo‘ladi, lekin biz unda g‘alaba qozonish uchun hamma narsani qilamiz", - deya Kulibalining so‘zlaridan iqtibos keltiradi Chelsi rasmiy sayti.
"Chelsi" hozirda Premyer-ligada 9-o‘rinda bormoqda. Jamoa ligadagi so‘nggi 5 uchrashuvning faqat bittasida g‘alaba qozongan.
