"Челси" марказий ҳимоячиси Калиду Кулибали АПЛнинг навбатдаги турида жамоаси "Манчестер Сити"ни қабул қиладиган марказий ўйиндан олдинги фикрлари билан ўртоқлашди.
“Кучли тўртликка кириш “Челси” учун катта қийинчилик, бироқ биз буни қабул қилишга тайёрмиз. Биз ўзимизга ишонишимиз ва тараққиёт учун кўп меҳнат қилишимиз керак.
“Манчестер Сити”га қарши ўйинга қўлдан келганча тайёрланамиз. Бу жуда қийин ўйин бўлади, лекин биз унда ғалаба қозониш учун ҳамма нарсани қиламиз", - дея Кулибалининг сўзларидан иқтибос келтиради Челси расмий сайти.
"Челси" ҳозирда Премьер-лигада 9-ўринда бормоқда. Жамоа лигадаги сўнгги 5 учрашувнинг фақат биттасида ғалаба қозонган.
