Braziliya terma jamoasi a’zosi Aleks Sandro Turinning “Yuventus” klubini tark etishga yaqin turibdi. Insayder Nikolo Shkiraning yozishicha, 31 yoshli janubiy amerikalik himoyachi faoliyatini Turkiya chempionatida davom ettirishi mumkin.
Futbolchiga allaqachon nomi oshkor etilmagan ikkita klubdan takliflar kelib tushgan.
“Keksa senyora” tajribali futbolchiga yangi mehnat shartnomasini taklif qilmaslikka qaror qildi. Shu tariqa, Aleks turinliklar jamoasini erkin agent sifatida tark etadi. U 2015 yilning yozidan buyon "Yuventus"da o‘ynamoqda.
Joriy mavsumda Sandro 17 ta uchrashuvda qatnashib, bitta golli uzatmani amalga oshirdi.
