Бразилия терма жамоаси аъзоси Алекс Сандро Туриннинг “Ювентус” клубини тарк этишга яқин турибди. Инсайдер Николо Шкиранинг ёзишича, 31 ёшли жанубий америкалик ҳимоячи фаолиятини Туркия чемпионатида давом эттириши мумкин.
Футболчига аллақачон номи ошкор этилмаган иккита клубдан таклифлар келиб тушган.
“Кекса сеньора” тажрибали футболчига янги меҳнат шартномасини таклиф қилмасликка қарор қилди. Шу тариқа, Алекс туринликлар жамоасини эркин агент сифатида тарк этади. У 2015 йилнинг ёзидан буён "Ювентус"да ўйнамоқда.
Жорий мавсумда Сандро 17 та учрашувда қатнашиб, битта голли узатмани амалга оширди.