«Manchester Siti» himoyachisi Jon Stouns Angliya chempionatining 19-turi doirasidagi «Chelsi» ustidan qozonilgan g‘alaba (1:0) haqida fikr bildirdi.

«Everton bilan durangdan keyin bular biz uchun muhim uch ochkoga aylandi. O‘shanda ikki ochko yo‘qotganimizni his qildik va bugun buni to‘g‘irlamoqchi bo‘ldik.

Ikkinchi bo‘limdagi o‘yinimiz ajoyib bo‘ldi. «Chelsi»ga ham tan berishimiz kerak, ular juda tartibli o‘ynashdi. Mavsumning birinchi qismida turnir jadvali haqida o‘ylamaymiz. Siz o‘yindan o‘yinga kuchayishingiz kerak.

O‘tgan mavsumlarda ajoyib g‘alabali seriyalarga ega bo‘lgandik va agar bugungidek o‘ynashda davom etsak, ishonchim komilki, mavsum oxirida chempionlik uchun kurash olib borish imkoniyatiga ega bo‘lamiz», — dedi Stouns.

Eslatib o‘tamiz, «Manchester Siti» 39 ochko bilan APLda 2-o‘rinda bormoqda. «Chelsi» 25 ochko bilan 10-o‘rinda bormoqda.