"PSJ" hujumchisi Kilian Mbappe L'Equipe nashri tomonidan Fransiyada 2022 yilning eng yaxshi sportchisi deb topildi. Ikkinchi o‘rinni “Real” hujumchisi Karim Benzema egalladi.
24 yoshli Mbappe 832 ochko, 35 yoshli Benzema 484 ochko to‘pladi. Uchinchi o‘rinni biatlonchi Kentin Fiyon-Maye egalladi.
2022 yilda Fransiyadagi eng yaxshi 10 nafar sportchi:
1. Kilian Mbappe (futbol, 832 ochko)
2. Karim Benzema (futbol, 484)
3. Kenten Fiyon-Maye (biatlon, 403)
4. Antuan Dyupon (regbi, 389)
5. Leon Marchand (suzish, 358)
6. Kevin Mayer (Engil atletika, 169)
7. Kleman Noel (tog‘ chang‘isi, 126)
8. Giyom Sizeron (figurali uchish, 75)
9. Roman Kannon (qilichbozlik, 52)
10. Sharl Kodrelye (elkanli sport turlari, 50)
2022 yilda Mbappe PSJ va Fransiya terma jamoasi safida 54 ta o‘yinda maydonga tushib, 53 ta gol urdi va 19 ta golli uzatmani amalga oshirdi. Parij klubi bilan u Liga 1da g‘olib chiqdi. Milliy terma jamoa bilan 2022 yilgi jahon chempionatida ikkinchi o‘rinni egallab, turnirning eng yaxshi to‘purariga aylandi (8 gol).
Benzema "Oltin to‘p"ni qo‘lga kiritdi, "Real Madrid" va Fransiya terma jamoasi safida 43 ta o‘yin o‘tkazdi, 35 ta gol urdi va 8 ta golli uzatmani amalga oshirdi. Madrid klubi bilan Ispaniya chempioni bo‘ldi, Chempionlar ligasi va UYEFA Superkubogini qo‘lga kiritdi.
Fransiyaning eng yaxshi sportchisi uchun mukofot 1946 yildan beri L'Equipe tomonidan topshirilib kelinmoqda.
