Yangi mavsum tadorigining ikkinchi yig‘inini ham “Metallurg” Bekoboddagi qarorgohida olib bormoqda. Bu galgi yig‘inga 9 yanvar kuni ertalabki reysda Ispaniyadan murabbiylar shtabi yetib keldi.

Kechki reysda esa Serbiyadan xorijlik futbolchilar Toshkentga uchib kelishdi va jamoaning yiiniga qo’shilishdi. Kecha kunning birinchi yarmida “Metallurg” stadionida, qor bilan qoplangan maydonda mashg‘ulotlar olib borildi. Har doim ham duch kelinavermaydigan bunday iqlim va sharoit mashg‘ulotlarning yanada jozibali hamda quvnoq o‘tishini ta’minladi. Kunning ikkinchi yarmida esa futbolchilarga klub qarorgohidagi trenajer zalida qo‘shimcha jismoniy yuklamalar berildi.

Bu galgi yig‘in davomida “Metallurg” ikkita nazorat uchrashuvida maydonga tushadi. Sparring raqiblar esa Toshkentning “Lokomotiv” hamda Samarqandning “Dinamo” jamoalari bo‘lishadi.