Yangi mavsumga tayyorgarlikni Turkiyaning Antalya shahrida olib borayotgan "Navbahor" jamoasi murabbiylar shtabida yangi mutaxassis ish boshladi. Bu serbiyalik jismoniy tayyorgarlik bo‘yicha murabbiy Aleks Boshkovich.
Boshkovich 1993 yilning 10 mayida Serbiya poytaxti Belgrad shahrida tug‘ilgan. Murabbiylik faoliyati davomida “Metalak” (Serbiya), “Nankin Siti” (Xitoy), “Al-Batin” (Saudiya Arabistoni), “Kazma SK” (Quvayt), “Vista” (Rossiya) va “Botev Plovdiv” (Bolgariya) klublarida jismoniy tayyorgarlik bo‘yicha murabbiy bo‘lib ishlagan.
Bundan tashqari, Germaniyaning “Ayntraxt” klubida Catapult mutaxassisi sifatida faoliyat yuritgan.
"Biz Aleks Boshkovichga “Navbahor”dagi faoliyatida omad yor bo‘lishini tilaymiz" - deyiladi namanganliklarning rasmiy bayonotida.
