Turinning “Yuventus” klubining sobiq futbolchisi, 2006 yilgi “Oltin to‘p” sohibi Fabio Kannavaro Italiya chempionatining navbatdagi turi arafasida o‘z fikrlari bilan o‘rtoqlashdi. Kelasi tur asosiy bahs "Napoli" va "Yuventus" o‘yini bo‘ladi, lekin Kannavaro bu o‘yin chempionlik uchun kurashda hal qiluvchi bo‘lishi mumkinligiga ishonmaydi.
"Turinda men futbolchi sifatida o‘sganman, ammo Neapol mening shahrim. Men abadiy "Napoli" muxlisi bo‘lib qolaman. Ammo "Maradona"dagi o‘yin chempionlik uchun kurash nuqtai nazaridan hal qiluvchi bo‘lmaydi. Shunga qaramay, o‘yin qiziqarli bo‘lishiga ishonchim komil", – deya Kannavaro so‘zlarini keltirgan Italiyaning ITASportPress axborot agentligi.
