"Milan" tez orada hujumchi Olivye Jiru bilan yangi shartnoma bo‘yicha muzokaralarni boshlaydi.
36 yoshli futbolchining amaldagi shartnomasi 2023 yilning 30 iyuniga qadar mo‘ljallangan. U amaldagi maoshi bilan shartnomani yana bir yilga uzaytirishga tayyor. Hozirda Jiru yiliga 4 million yevro maosh oladi. Bu "Milan"dagi eng yuqori maoshlardan biri.
2022/23 yilgi mavsumda hujumchi barcha musobaqalarda jamoasi safida 19 ta o‘yinda maydonga tushib, 9 ta gol urdi va 5 ta golli uzatmani amalga oshirdi.
Jiru 2021 yil iyulidan beri “Milan”da to‘p suradi. Ayni paytda fransiyalik futbolchi 60ta o‘yin o‘tkazib, 23ta gol urgan va 9ta golga assistentlik qilgan.
