"Милан" тез орада ҳужумчи Оливье Жиру билан янги шартнома бўйича музокараларни бошлайди.
36 ёшли футболчининг амалдаги шартномаси 2023 йилнинг 30 июнига қадар мўлжалланган. У амалдаги маоши билан шартномани яна бир йилга узайтиришга тайёр. Ҳозирда Жиру йилига 4 миллион евро маош олади. Бу "Милан"даги энг юқори маошлардан бири.
2022/23 йилги мавсумда ҳужумчи барча мусобақаларда жамоаси сафида 19 та ўйинда майдонга тушиб, 9 та гол урди ва 5 та голли узатмани амалга оширди.
Жиру 2021 йил июлидан бери “Милан”да тўп суради. Айни пайтда франциялик футболчи 60та ўйин ўтказиб, 23та гол урган ва 9та голга ассистентлик қилган.
