Italiya A Seriyasining 18-turida «Napoli» va «Yuventus» 13 yanvar, juma kuni o‘zaro bahs olib bordi.

Uchrashuvda «Napoli» 5:1 hisobida zafar quchdi. Neapolliklar safida Xvicha Kvarasxeliya, Amir Rrahmaniy, Elif Elmas bittadan gol urgan bo‘lsa, Viktor Osimhen dubl muallifiga aylandi. Shuningdek, gruziyalik futbolchi ikkita golli uzatma ijro etdi. Turinliklar safida esa Anxel di Mariya o‘z hisobiga gol yozdirib qo‘ydi.

«Napoli» ushbu g‘alabadan so‘ng ochkolarini 47 taga yetkazib, birinchi o‘rinni mustahkamladi. «Yuventus» esa 37 ochko bilan 3-pog‘onani band etdi.

A seriya, 18-tur bahsi
13 yanvar, juma
«Napoli» – «Yuventus» 5:1
Gollar: 1:0 – 14 Osimhen, 2:0 – 39 Kvarasxeliya, 2:1 – 42 Di Mariya, 3:1 – 55 Rrahmaniy, 4:1 – 65 Osimhen, 5:1 – 72 Elmaz.
«Napoli»: Meret, Di Lorenso, Rrahmani, Kim Min Chje, Mariu Ruy (Olivera, 70), Lobotka, Zelinski (Ndombele, 79), Zambo-Angissa, Politano (Elmaz, 46), Osimhen (Raspadori, 79), Kvarasxeliya (Losano, 89).
«Yuventus»: Shensni, Aleks Sandro, Danilo, Bremer, Kostich, Rabyo (Soule, 83), Lokatelli (Paredes, 56), Makkenni, Di Mariya (Miretti, 73), Kyeza (Ayling, 73), Milik (Kin, 56).
Ogohlantirishlar: Danilo (44).