"Bavariya" bosh murabbiyi Yulian Nagelsmann jamoadagi darvozabon pozisiyasi haqida fikr bildirdi. Eslatib o‘tamiz, avvalroq myunxenliklar jamoasining asosiy darvozaboni Manuel Noyer jarohat olgandi.
Nagelsmann Sport1 nashriga bergan intervyusida "Bavariya"ga yangi darvozabon kerakligini, chunki agar boshqa darvozabonlardan biri jarohat olsa, jamoaga qiyin bo‘lishini aytdi.
15-turdan keyin “Bavariya” 34 ochko bilan Bundesliga turnir jadvalida peshqadamlik qilmoqda. Kelasi o‘yinda Nagelsmann shogirdlari “RB Leypsig”ga qarshi bahs olib boradi.
