"Chelsi" "Brayton" yarim himoyachisi Moises Kaysedoga qiziqish bildirmoqda. CBS Sports jurnalisti Ben Jeykobsning tvitterdagi xabariga ko‘ra, "chaykalar" futbolchi uchun 85 million yevrodan ko‘proq pul talab qilmoqda.
21 yoshli ekvadorlik yarim himoyachi uchun qishda transfer bo‘yicha kelishib olish oson bo‘lmaydi, ammo "Chelsi" buni uddalay olishini inkor etib bo‘lmaydi. Qayd etilishicha, "Shaxtyor"dan Mixaylo Mudrikni 100 million yevroga sotib olganidan so‘ng, London klubi qishda kamida yana ikki futbolchini o‘z safiga qo‘shib olmoqchi.
Yarim himoyachi joriy mavsumda "Brayton" safida 15ta o‘yinda maydonga tushib, 1ta gol urdi va bitta golli uzatmani amalga oshirdi. Kaysedoning "chaykalar" bilan shartnomasi 2025 yilning yoziga qadar amal qiladi.