"Челси" "Брайтон" ярим ҳимоячиси Моисес Кайседога қизиқиш билдирмоқда. CBС Sports журналисти Бен Жейкобснинг твиттердаги хабарига кўра, "чайкалар" футболчи учун 85 миллион евродан кўпроқ пул талаб қилмоқда.
21 ёшли эквадорлик ярим ҳимоячи учун қишда трансфер бўйича келишиб олиш осон бўлмайди, аммо "Челси" буни уддалай олишини инкор этиб бўлмайди. Қайд этилишича, "Шахтёр"дан Михайло Мудрикни 100 миллион еврога сотиб олганидан сўнг, Лондон клуби қишда камида яна икки футболчини ўз сафига қўшиб олмоқчи.
Ярим ҳимоячи жорий мавсумда "Брайтон" сафида 15та ўйинда майдонга тушиб, 1та гол урди ва битта голли узатмани амалга оширди. Кайседонинг "чайкалар" билан шартномаси 2025 йилнинг ёзига қадар амал қилади.