Londonning "Arsenal" klubi yarim himoyachisi Martin Edegor "Tottenxem" ustidan qozonilgan g‘alabadan keyin (2:0) o‘z fikrlari bilan o‘rtoqlashdi.

"Kanonirlar" sardori uchrashuvning 36-daqiqasida raqib darvozasini ishg‘ol etdi. Bugungi g‘alabadan so‘ng, "Arsenal" va "Manchester Siti" o‘rtasidagi farq 8 ochkoga yetdi.

"Ajoyib natija. Bu yerda oxirgi o‘yinimiz qanday yakunlanganini esladik (2022 yilning may oyida 0:3 hisobidagi mag‘lubiyat) va biz revansh olmoqchi bo‘ldik. Bugun hammasi yaxshi o‘tdi.

Biz qulay vaziyatdamiz, turnir jadvalidagi peshqadamligimizni hisobga olsak, bu bilan bahslasholmaysiz. Biroq, biz kamtar bo‘lib, qattiq ishlashda davom etishimiz kerak. Bugungi ikkinchi bo‘lim eng yaxshisi bo‘lmadi, shuning uchun biz ustida ishlashimiz kerak bo‘lgan narsa bor", — dedi norvegiyalik futbolchi BBC bilan suhbatda.