Лондоннинг "Арсенал" клуби ярим ҳимоячиси Мартин Эдегор "Тоттенхэм" устидан қозонилган ғалабадан кейин (2:0) ўз фикрлари билан ўртоқлашди.
"Канонирлар" сардори учрашувнинг 36-дақиқасида рақиб дарвозасини ишғол этди. Бугунги ғалабадан сўнг, "Арсенал" ва "Манчестер Сити" ўртасидаги фарқ 8 очкога етди.
"Ажойиб натижа. Бу ерда охирги ўйинимиз қандай якунланганини эсладик (2022 йилнинг май ойида 0:3 ҳисобидаги мағлубият) ва биз реванш олмоқчи бўлдик. Бугун ҳаммаси яхши ўтди.
Биз қулай вазиятдамиз, турнир жадвалидаги пешқадамлигимизни ҳисобга олсак, бу билан баҳслашолмайсиз. Бироқ, биз камтар бўлиб, қаттиқ ишлашда давом этишимиз керак. Бугунги иккинчи бўлим энг яхшиси бўлмади, шунинг учун биз устида ишлашимиз керак бўлган нарса бор", — деди норвегиялик футболчи BBC билан суҳбатда.
