Rodrining fikricha, «Manchester Yunayted»dan uchralgan mag‘lubiyat APL uchun kurashda hal qiluvchi bo‘lmaydi.

«Oldinda uzoq yo‘l bor. Oxir-oqibat, bu Premyer-ligani ancha qiziqarliroq qiladi, ammo bu faqat bitta o‘yin, shuning uchun biz taslim bo‘la olmaymiz. Bizda tajriba bor, qayerda va qanday jamoa ekanligimizni bilamiz. Hozir hamma narsa endigina qurilmoqda - bizning yo‘limiz har kuni ishlash va qo‘limizdan kelganicha o‘ynash.

Bu katta o‘yin bo‘ldi, ammo natija muhim emas. Biz mag‘lubiyatga uchragan bo‘lsak ham, hech narsa aniq emas va hech narsani kafolatlashning iloji yo‘q.

Men jamoadoshlarim va klub bilan har qachongidan ham faxrlanaman. To‘g‘ri, hafsalamiz pir bo‘ldi - biz bunday natijaga loyiq emas edik; g‘alaba qozonish uchun hamma narsani qildik, lekin hammasi xuddi shunday bo‘ldi.

Biz taslim bo‘lmaymiz, natijaga qaramay ajoyib o‘yin o‘tkazdik. Bu futbolning bir qismi, endi o‘z holatimizga qarashimiz va hech kimni ayblamasligimiz kerak», dedi «Manchester Siti» yarim himoyachisi.

Eslatib o‘tamiz, APLning 20-turidan o‘rin olgan uchrashuvda «Manchester Siti» o‘z maydonida «Manchester Yunayted»ga 1:2 hisobida imkoniyatni boy berdi.

«Shaharliklar» «Arsenal»dan 8 ochko ortda qolgan holda 39 ochko bilan turnir jadvalida 2-o‘rinni egallab turibdi.