Madridning “Real” klubi qanot himoyachisi Dani Karvaxalga o‘rinbosar qidirmoqda. El Nacional xabariga ko‘ra, "qirollik" klubi e’tiborini Angliya transfer bozoriga qaratgan. "Manchester Siti"dan portugaliyalik Joau Kanselu ispan grandining qiziqish doirasiga tushdi.

Manbaga ko‘ra, bu kelishuv joriy mavsum oxirida rasmiylashtirilishi mumkin. Kanselu o‘z navbatida ingliz klubidagi o‘rnidan norozi va jamoani o‘zgartirishga tayyor.

Joauning "Manchester Siti" bilan shartnomasi 2027 yilning yoziga qadar tuzilgan. Uning transfer narxi 70 million yevro.

Angliya chempionatining joriy mavsumida portugaliyalik futbolchi 17 ta o‘yin o‘tkazib, 2 ta gol urdi va bitta golli uzatmani amalga oshirdi.