"Manchester Yunayted"ning sobiq hujumchisi Lui Saa Xarri Keynga "Tottenxem"ni Erik ten Xag jamoasiga almashtirishni maslahat berdi.
“Shporlar” yetakchisi bir yarim yildan keyin tugaydigan shartnomasini yangilamadi, shu bois uning kelajagi so‘roq ostida qolmoqda. Taxminlarga ko‘ra, yozgi transfer bozorida Keyn uchun kurash boshlanadi va "Manchester Yunayted" forvardga asosiy da’vogarlardan biri sanaladi.
"Keyn bu imkoniyatdan foydalanishi kerak. "Manchester Yunayted" unga juda mos keladi, bu yerda u mavsumda 30 ta gol urishi kafolatlanadi. Qolaversa, u "Yunayted"da "Tottenxem"ga qaraganda ko‘proq sovrin yutish imkoniyatiga ega bo‘ladi. U Ten Xagning o‘yiniga mos tushadi", - dedi fransiyalik sobiq futbolchi Mirror bilan suhbatda.
