"Манчестер Юнайтед"нинг собиқ ҳужумчиси Луи Саа Харри Кейнга "Тоттенхэм"ни Эрик тен Хаг жамоасига алмаштиришни маслаҳат берди.
“Шпорлар” етакчиси бир ярим йилдан кейин тугайдиган шартномасини янгиламади, шу боис унинг келажаги сўроқ остида қолмоқда. Тахминларга кўра, ёзги трансфер бозорида Кейн учун кураш бошланади ва "Манчестер Юнайтед" форвардга асосий даъвогарлардан бири саналади.
"Кейн бу имкониятдан фойдаланиши керак. "Манчестер Юнайтед" унга жуда мос келади, бу ерда у мавсумда 30 та гол уриши кафолатланади. Қолаверса, у "Юнайтед"да "Тоттенхэм"га қараганда кўпроқ соврин ютиш имкониятига эга бўлади. У Тен Хагнинг ўйинига мос тушади", - деди франциялик собиқ футболчи Mirror билан суҳбатда.
