“Bryugge” klubi Belgiya chempionatining 21-turida “Sent-Truyden” bilan durang o‘ynadi (1:1).

“Qora-ko‘klar” barcha turnirlardagi g‘alabasiz seriyasini 6 ta o‘yinga yetkazdi (4 durang, 2 mag‘lubiyat).

Belgiyaning amaldagi chempionlari bilan oxirgi marta bunday holat 30 yildan ko‘proq vaqt oldin sodir bo‘lgan edi. 1992 yilning oktyabr-dekabr oylarida ham "Bryugge" qatorasiga 6 uchrashuvda g‘alaba qozona olmagandi.

Klub so‘nggi uch yilda mamlakat chempionligini qo‘lga kiritdi.

"Bryugge" ayni damda turnir jadvalida peshqadam "Genk"dan 19 ochko ortda qolib, 4-o‘rinni egallab turibdi.