“Брюгге” клуби Бельгия чемпионатининг 21-турида “Сент-Труйден” билан дуранг ўйнади (1:1).

“Қора-кўклар” барча турнирлардаги ғалабасиз сериясини 6 та ўйинга етказди (4 дуранг, 2 мағлубият).

Бельгиянинг амалдаги чемпионлари билан охирги марта бундай ҳолат 30 йилдан кўпроқ вақт олдин содир бўлган эди. 1992 йилнинг октябрь-декабрь ойларида ҳам "Брюгге" қаторасига 6 учрашувда ғалаба қозона олмаганди.

Клуб сўнгги уч йилда мамлакат чемпионлигини қўлга киритди.

"Брюгге" айни дамда турнир жадвалида пешқадам "Генк"дан 19 очко ортда қолиб, 4-ўринни эгаллаб турибди.