"Bavariya" barcha musobaqalardagi g‘alabali seriyasini yakunladi.
Myunxen klubi Germaniya chempionati 16-turi doirasida safarda “Leypsig” bilan durang o‘ynadi (1:1).
Bosh murabbiy Yulian Nagelsmann jamoasining barcha musobaqalar bo‘yicha 10 o‘yinlik g‘alabali seriyasiga chek qo‘yildi.
Bungacha "Bavariya" Dortmundning "Borussiya"si bilan durang o‘ynagan (2:2) - bu 2022 yilning 8 oktyabrida sodir bo‘lgandi. Shundan so‘ng jamoa ketma-ket o‘nta o‘yinda g‘alaba qozondi.
Myunxenliklar 16 turdan keyin 35 ochko bilan Bundesliga turnir jadvalida peshqadamlik qilmoqda.