"Бавария" барча мусобақалардаги ғалабали сериясини якунлади.
Мюнхен клуби Германия чемпионати 16-тури доирасида сафарда “Лейпциг” билан дуранг ўйнади (1:1).
Бош мураббий Юлиан Нагельсманн жамоасининг барча мусобақалар бўйича 10 ўйинлик ғалабали сериясига чек қўйилди.
Бунгача "Бавария" Дортмунднинг "Боруссия"си билан дуранг ўйнаган (2:2) - бу 2022 йилнинг 8 октябрида содир бўлганди. Шундан сўнг жамоа кетма-кет ўнта ўйинда ғалаба қозонди.
Мюнхенликлар 16 турдан кейин 35 очко билан Бундеслига турнир жадвалида пешқадамлик қилмоқда.