Yarim himoyachi Ussem Auar "Lion"dan "Milan"ga o‘tmoqchi.
Uning fransuz klubi bilan shartnomasi joriy mavsum oxirigacha amal qiladi va 24 yoshli futbolchi agentlardan “rossonerilar” vakillari bilan jiddiy muzokaralar olib borishni so‘radi. Auar do‘stlariga ham milanliklar safida o‘ynash istagi haqida gapirdi.
Hozirda yarim himoyachiga "Betis"dan taklif bor - mavsumiga 2,5 million evro maosh bilan besh yilga. "Roma" ham u bilan aloqada.
"Milan"ning Auar borasidagi qarori Braim Diasning "Real"dan sotib olinishiga bog‘liq bo‘ladi. Agar ispaniyalik qolsa, Ussem bilan shartnoma imzolanmaydi.
Joriy mavsumda Auar Liga 1da 7 ta o‘yinda maydonga tushdi va bitta gol urdi.