Ярим ҳимоячи Уссем Ауар "Лион"дан "Милан"га ўтмоқчи.
Унинг француз клуби билан шартномаси жорий мавсум охиригача амал қилади ва 24 ёшли футболчи агентлардан “россонерилар” вакиллари билан жиддий музокаралар олиб боришни сўради. Ауар дўстларига ҳам миланликлар сафида ўйнаш истаги ҳақида гапирди.
Ҳозирда ярим ҳимоячига "Бетис"дан таклиф бор - мавсумига 2,5 миллион эвро маош билан беш йилга. "Рома" ҳам у билан алоқада.
"Милан"нинг Ауар борасидаги қарори Браим Диаснинг "Реал"дан сотиб олинишига боғлиқ бўлади. Агар испаниялик қолса, Уссем билан шартнома имзоланмайди.
Жорий мавсумда Ауар Лига 1да 7 та ўйинда майдонга тушди ва битта гол урди.
