"Vulverxempton" hujumchisi Fabiu Silva faoliyatini PSVda davom ettiradi, deya xabar beradi jurnalist Fabrisio Romano.
20 yoshli portugaliyalik futbolchi klub bilan shartnoma imzolash uchun allaqachon Eyndxovenga yetib borgan. 21 yanvar, shanba kuni u jamoaning “Vitess”ga (1:0) qarshi uy uchrashuviga tashrif buyurdi.
Silva 2020 yil sentyabrida “Portu”dan “Vulverxempton”ga o‘tgandi. U 2022/23 yilgi mavsumning birinchi yarmini “Anderlext”da ijara asosida o‘tkazib, jamoa safida 32 o‘yinda 11 gol va 4 golga assistentlik qilgan.
Transfermarkt.com portali hujumchining narxini 13 million yevroga baholamoqda.
