"Вулверхэмптон" ҳужумчиси Фабиу Силва фаолиятини ПСВда давом эттиради, дея хабар беради журналист Фабрицио Романо.
20 ёшли португалиялик футболчи клуб билан шартнома имзолаш учун аллақачон Эйндховенга етиб борган. 21 январь, шанба куни у жамоанинг “Витесс”га (1:0) қарши уй учрашувига ташриф буюрди.
Силва 2020 йил сентябрида “Порту”дан “Вулверхэмптон”га ўтганди. У 2022/23 йилги мавсумнинг биринчи ярмини “Андерлехт”да ижара асосида ўтказиб, жамоа сафида 32 ўйинда 11 гол ва 4 голга ассистентлик қилган.
Transfermarkt.com портали ҳужумчининг нархини 13 миллион еврога баҳоламоқда.
