"Real Sosyedad" yarim himoyachisi Martin Subimendi "Arsenal"ga o‘tishdan bosh tortdi.
Cadena CER xabariga ko‘ra, London klubi 60 million yevro miqdoridagi tovon pulini faollashtirishga tayyor edi, biroq 23 yoshli futbolchi rad javobini berdi. Subimendi "Sosyedad"ga bog‘lanib qolgan va klubda qolishni istamoqda.
"Barselona" Martinga bir necha bor qiziqish bildirgan va uni Serxio Busketsning o‘rnini bosuvchi sifatida ko‘rmoqda.
Joriy mavsumda yarim himoyachi “Real Sosyedad” safida barcha turnirlar doirasida 22 ta o‘yinda maydonga tushib, 1 ta gol va 3 ta golli uzatmaga mualliflik qilgan.
