"Реал Сосьедад" ярим ҳимоячиси Мартин Субименди "Арсенал"га ўтишдан бош тортди.
Cadena CER хабарига кўра, Лондон клуби 60 миллион евро миқдоридаги товон пулини фаоллаштиришга тайёр эди, бироқ 23 ёшли футболчи рад жавобини берди. Субименди "Сосьедад"га боғланиб қолган ва клубда қолишни истамоқда.
"Барселона" Мартинга бир неча бор қизиқиш билдирган ва уни Серхио Бускетснинг ўрнини босувчи сифатида кўрмоқда.
Жорий мавсумда ярим ҳимоячи “Реал Сосьедад” сафида барча турнирлар доирасида 22 та ўйинда майдонга тушиб, 1 та гол ва 3 та голли узатмага муаллифлик қилган.
